Sport.cw

Sponsored by

Sponsored by

Sponsored by

Apertura Weganan di Reino

Den Tio Daou Ballpark a tuma lugá ayera, djamars 10 di oktober 2017, apertura ofisial di Weganan di Reino. Te ku djasabra awor deportistanan hóben di Aruba, Bonèiru, Kòrsou i Hulanda lo kompetí ku otro den tres ramo di deporte.

E Weganan di Reino ta titulá ‘Ami, Mi mes i Mi logronan’. Ministerio di Seguridat i Hustisia di Hulanda huntu ku Ministerio di Hustisia di Kòrsou ta organisá e evento deportivo aki.

Partisipantenan na Wega di Reino 2017 ta hóbennan di e proyekto “Ami, Mi mes i Mi logronan”. Esaki ta un proyekto di deporte i prevenshon pa hóbennan di 12 pa 16 aña di edat.

E ramonan di deporte den e proyekto aki ta beisbòl, futbòl i basketbòl, di kual tin 167 partisipante, inkluso hungadónan, lidernan i entrenadónan. E persona ku tin e enkargo pa trèk e proyekto aki ta Ramiro Balentina di e proyekto Ròl Modèl.

E plan ta pa organisá e weganan aki tur aña riba un di e islanan den Reino. Aña pasá e weganan a wòrdu organisá pa di promé biaha na Aruba i e aña aki Kòrsou ta e anfitrión di e evento deportivo aki. E organisashon di beisbòl Sta Maria Pirates ta enkargá ku organisashon i direkshon dje weganan.

E paisnan i islanan den Reino ku ta partisipando na tur e ramonan di deporte den e weganan dje aña aki ta: Hulanda, Aruba, Bonèiru i Kòrsou. St Maarten no ta partisipá pa motibu di e situashon ku orkán Irma a okashoná na e pais aki resientemente.

 

Translate »