Xaverianen den un tremendo demonstrashon di wega awe, djadumingu 7 di yanüari 2018, ta gana di Stakamahachi den klase superior maskulino: 3-2. Esaki despues ku e tabata pèrdí 0-2.
Federashon Vòlibòl di Kòrsou (Fevoko) a kontinuá awe ku e kompetensianan di vòlibòl den sala kubrí Errol Rooi na Sentro Deportivo Kòrsou (SDK). Un total di 4 enkuentro a keda hungá den klase superior.
Den klase superior maskulino Stakamahachi tabata un sèt alehá for di un triunfo riba Xaverianen. E tim a sali gana dos sèt 25-21 i 27-25 pa tuma un ventaha komodo riba e kontrinkantenan.
Xaverianen sinembargo a logra bini bèk den wega ganando tantu e di 3 i di 4 sèt: 25-23 i 25-21. Ku e wega empatá 2-2 a pasa pa hunga e di 5 sèt. Esaki tambe Xaverianen a gana (25-22) i asina atrobe registrá otro triunfo despues di tabata atras.
Den e otro wega den klase superior maskulino e tim di Watakeli a gana ku skor di 3-1 di Green Tigers. E sètnan tabatin e sigiuente skornan: 25-17, 25-19, 14-25 i 25-21.
Den klase superior femenino Hurricane ta gana di Watakeli ku skor di 3-1. E parsialnan tabata: 15-25, 25-21, 25-16 i 25-22. Den e otro wega den mesun klase Stakamahachi ta superá Shuatanari ku skor di 3-0: 25-19, 25-8 i 25-15.
