E kampionato di sòfbòl femenino fast pitch dòbel A a kontinuá den wikènt ku algun bon enkuentro. Pichingolo KIA/Nissan i Sta Rosa Angels Vanddis a sigui ku nan racha di viktoria.
Pichingolo a gana ku skor di 4-1 di Eagles Softex. Tabata Merel Oosterveld ku a dal un tripel ku base yen i asina yuda su tim na e viktoria. Ela kaba wega ku 2-1: 1 hit den 2 turno. Julise Koffie tambe a batu 1 hit den 2 turno. Picher ganadó a resulta Arnalda Margaritha.
Den e otro enkuentro Sta Rosa Angels a dal The Fighting Team 8-1. Picher Leonella Elisabeth a gana e wega, miéntras ku Shurvienska Wawoe tabatin un dia perfekto den kaha di bateo. Ela dal 3 hit den 3 turno.
Den klase A tambe tabatin algun enkuentro den wikènt. Vipers a gana ku skor pèrtá di Souax Gil’sport. Sta Rosa Angels Vanddis a gana di Pichingolo KIA/Nissan 5-3 i despues tabata Pichingolo ku a gana di mesun Sta Rosa ku skor di 8-5.
E kampionato den klase superior ta sigui djasabra 9 di yüni den Buena Vista Ballpark ku e wega entre The Fighting Team i Demolition Cartel NV. E enkuentro aki ta kuminsá mitar di 10 di anochi. Den klase A tambe tin wega riba djabièrnè, djasabra i djadumingu.