Un kantidat grandi di hóben a kompetí ayera, djasabra 31 di mart 2018, na e Global 1st Annual Easter Race. E karedanan internashonal aki a tuma lugá na e pista di BMX na Damacor.
E promé edishon di Global Easter Race a konsistí di dos klas: Strider i Challenge. Na e karedanan a kompetí tantu mucha muhé komo mucha hòmber. Tabatin diferente kategoria di edat.
E públiko ku a akudí a disfrutá di algun tremendo kareda. E tenshon den kada kareda tabata grandi, kaminda ku e hóbennan tabata hasi nan maksimo esfuerso i lucha deportivamente kontra di otro.
