Sport.cw

Sponsored by

Sponsored by

Sponsored by

FC San Lucas kampion

FC San Lucas ta e kampion nobo di CurFutsal den divishon A. E tim awe djaluna, 29 di novèmber, a gana ku skor di 9-1 di FC Don Bosco i asina tuma revancha dje derota di aña pasá. Jean Pauletta i Ashar Bernardus a skor kada un tres gol, ku Pauletta saliendo máksimo goliadó.

Un bon públiko a haña kaminda pa Stadion Odulio Willems den Suffisant. San Lucas i Don Bosco pa di dos aña siguí a topa otro den final di CurFutsal. E wega a tuma lugá den sala Niels Liberia.

Meskos ku e den e buelta preleminar i Kaya 4, e final tambe a konta ku arbitrahe di Omar Pauletta, Heinrich Angel, Rolf Pranger, Franklin Benitez i na mesa Deetje Wederfoort.

Apesar ku nan a soportá vários insulto durante e kampionato i sigur den serinan final dje kompetensia, por konkluí ku e arbitronan a hasi bon trabou. Asina awenochi tabatin dos insidente ku hungadónan ku ke bringa, ku a deslusí un tiki e wega final.

FC San Lucas a kuminsá brabu i for di trempan a piká 2-0 dilanti. E tim di FC Don Bosco sinembargo no a keda’tras i den un kontragolpe a hinka un gol pa kòrtá e desventaha.

Segun e promé tempu tabata transkurí, San Lucas a hinka tres gol mas. E wega a drenta sosiegu ku e tim aki 5-1 dilanti. Porsierto ku kuater dje golnan tabata produktshon di Jean Pauletta (2x) i Ashar Bernardus (2x), miéntras ku Oscar Vegas tambe a hinka gol. Rudrick Pop ta esun ku a skor pa FC Don Bosco.

Translate »