Sport.cw

Sponsored by

Sponsored by

Sponsored by

Final di torneo Fevoko

Federashon Vòlibòl di Kòrsou (Fevoko) ta klousurá awe’tarde i anochi, djadumingu 21 di oktober, su tradishonal torneo di kalentamentu. Den klase femenino superior e final ta entre Stakamahakchi i Shuatanari, miéntras ku den maskulino superior Watakeli i Xaverianen ta luchá p’e titulo kampionil.

E torneo di kalentamentu di Fevoko e aña’ki tambe a tuma lugá den sala di deporte Errol Rooi di Sentro Deportivo Kòrsou (SDK) na Brievengat. Vários tim femenino i maskulino den divisishon superior a kompetí.

E torneo ku a kuminsá den luna di sèptèmber ta haña su klousura awe’nochi ku e finalnan den kategoria femenino superior i maskulino superior. Esaki ta despues ku e timnan ku a partisipá a hunga e último simannan kontra di otro te den e fase eliminatorio.

E final femenino entre Stakamahakchi i Shuatanari ta kuminsá 5or di atardi i alrededor di 7or anochi tin e enkuentro final entre Watakeli i Xaverianen. Entrada ta gratis.

Translate »