Marchena a gana e kompetensia di Creme de la Creme lokal den Minor League, miéntras ku den Little League e tim di Sta Maria a titulá kampion. E torneo a sigui awenochi ku weganan balido pa e kompetensia internashonal.
Ultimo simannan públiko por a disfrutá di timnan di Kòrsou kontra di otro den e tradishonal torneo di Creme de la Creme. E kompetensia ta dediká na Michelangelo ‘Lo’ Celestina.
Celestina a partisipa 8 aña na World Series di Little League na Williamsport. Komo mènedjer ela titulá kampion di Kòrsou i kampion di Karibe ke selekshon di Liga Pabou. Na Williamsport ela bira kampion Internashonal i finalmente supkampion di mundu. E ta e uniko mènedjer ku a gana selekshonnan di Sur Korea i Hapon den historia di World Series di Little League.
Celestina ta tambe coach kampion di World Series di Little League na 2004 i coach supkampion World Series di Little League na 2005.
