E seri entre Liga Pariba, Liga Pabou i Willemstad den Intermediate League ta kayente. Liga Pariba i Liga Pabou ta kanando pareu. Esaki ta empatá na 3 wega na banda. Tur dos liga a gana den wikènt tras di lomba, esta djasabra 14 i djadumingu 15 di mei 2022, tres wega.
Intermediate League ta kai bou dje organisashon di Curaçao Little League. Den e liga aki aktualmente ta hungando un seri di enkuentro pa formashon di selekshon entre Liga Pariba, Liga Pabou i Willemstad.
E seri a kuminsá ku Liga Pabou ganando e promé dos enkuentronan i pues bai dilanti 2-0 riba Djasabra.
Den e promé konfrontashon djasabra Liga Pabou a superá Liga Pariba ku skor di 7-2. Picher ganadó tabata Derickson Doran, miéntras ku Lodymar Cathalina a dal 1 homerun. Gilventon Josephina i Lodymar Cathalina a dal 1 hit den 1 turno na bate. Picher Ayden Calmes a pèrdè.
Pariba a derota Willemstad ku un score di 15-0. Picher ganado Ayden Calmes. Tiziano Maximiliana a dal 3 hit den 3 turno na bate i Tazir Leito a dal 3 hit den 1 turno. Picher Rowem Garnette a pèrdè.
Den e di dos wega Liga Pabou a sigi ku su logra riba Willemstad ku skor di 11-3. Picher ganadó tabata Shackleyson Margarita. Jay-diar Kopra a dal 1 home run i 1 hit den 1 turno di bate. Picher Gersviene Hansen a pèrdè. Tazir Leito a dal 2 hit den 1 turno di bate.
Djadumingu Liga Pabou a gana su di dos wega riba Willemstad ku un score di 25-5. Picher ganadó tabata Qion Usla. D-shawn Martina Casiniri di Liga Pariba a dal un home run. Miéntras ku Sherrintley Da Costa Gomez tabatin un mainta perfekto na bate ku 3 hit den 3 turno. Picher Jesus Hidalgo Pinto a pèrdè.
Liga Pariba a hunga su di dos Wega kontra Willemstad I gana ku un score di 17-1. Picher ganadó tabata Kyle Haseth. Picher Owen Harms a pèrdè. Tiziano Maximiliana a dal 4 hit den 3 turno na bate i Jayvan Libiana a dal 1 hit den 1 turno na bate.
E ultimo wega riba Djadumingu a bai entre Liga Pariba i Liga Pabou. Liga Pariba a bin bek i superá Liga Pabou ku un skor di 6-0. Pitcher ganadó tabata Zidanne Attaf. Frannjean Haseth a dal 1 home run i tabata tin 3 hit den 2 turno. Picher pèrdèdó tabata Isaac Acosta i Zazil Schoop a kaba ku 3 hit den 1 turno na bate.
Riba djasabra i djadumingu próksimo e weganan lo sigi entre 08:30 – 11:00 13:30 na Sabana Ballpark
