Sport.cw

Sponsored by

Sponsored by

Sponsored by

Souax-1 ketu bai invikto

E tim di Souax Gil’sport-1 a mantené su invikto den e kampionato hubenil di sòfbòl, ganando ku skor di 11-2 di Sta Rosa Angels Vanddis. E ekipo ta komandá e tabla di posishon ku 6 triunfo.

Curaçaose Softball Bond (CSB) ta organisá e kampionato hubenil. E kompetensia tin tres siman i a hunga den wikènt den Montab Ballpark na Montaña Abou.

SBT Souax Gil’sport-1 a gana su di 6 enkuentro superando Sta Rosa Angels Vanddis ku skor konvinsente di 11-2. Picher ganadó tabata Kiara Domacassé. Su koleganan Joanna Benita, Rianthe Winklaar i Dianthe Gibbes a sobresalí na bate, kada un ku 2 hit den 3 turno.

Pichingolo Nissan a gana dos wega den e seri di wega tras di lomba den Montab Ballpark. E tim a gana ku skor grandi di Souax Gil’sport-2: 22-6. Picher ganadó tabata Melany Castro Arias. Stphmary Smith i Gianynuska Martina a bati kada un 2 hit den 2 turno.

Despues tabata Junior Talententeam ku tabatin ku rekonosé ku Pichingolo Nissan ta mihó: 9-5. Picher ganadó atrobe tabata Melany Castro Arias, miéntras ku Tahnee Gerard, Stephmary Smith i Arjenette Bernardus-Wernet tur a dal 1 hit den 3 turno.

Finalmente Junior Talententeam a sorprendé Sta Rosa Angels Vanddis ku skor di 4-0. Picher ganadó tabata J’dah Girigorie ku a tira no menos ku 15 ponche den 7 inen. E mes tambe a sobresalí na bate ku 2 hit den 3 turno.


Translate »