Stakamahakchi den divishon máksimo femenino i Watakeli den esun maskulino a sigui ku nan racha di viktoria den kampionato lokal di vòlibòl. Tur kos tim a gana awe, djadumingu 3 di febrüari 2019, nan enkuentro ku relativo fasilidat.
Federashon Vòlibòl Kòrsou (Fevoko) a kontinuá awe ku su kompetensia regular dediká na Dito Ravenstein, ku tantu weganan di klas A komo divishon máksimo. Esaki a tuma lugá den sala Errol Rooi di Sentro Deportivo Kòrsou (SDK) na Brievengat.
Den divishon máksimo femenino Stakamahakchi a gana ku skor di 3-0 di Watakeli. E parsialnan tabata 25-8, 25-7 i 25-15.
Den divishon superior maskulino Watakeli no a duna Green Tigers niun chèns i tambe a gana den tres sèt. E parsialnan tabata 25-13, 25-17 i 25-18.
Den e otro enkuentro den mesun divishon, Titus a duna Stakamahakchi hopi dolor di kabes. E wega a bai 5 sèt i tabata hopi emoshonante. E parsialnan tabata 25-18, 23-25, 26-24, 23-25 i 15-10 na fabor di Stakamahakchi.
Den klas A femenino e tim di Shuatanari a superá Hurricane den 2 sèt: 25-7 i 25-20. Stakamahakchi a gana den tres sèt di Watakeli: 25-14, 18-25 i 15-8.
E kampionato ta sigui te despues di fiestanan di karnaval.