E selekshon di natashon di Kòrsou a gana tres medaya di bròns durante Carifta Aquatics 2024 na Nassau, Bahamas. Esaki tabata danki na prestashon bunita dje landadónan Kyra de Cuba, Gabrielle Maduro Johannes i Sean Vinck.
Un total di 500 landadó hubenil di 50 isla/pais a kompetí den Carifta Aquatics. Kòrsou tabatin un dje selekshonnan di mas chikí den e kompetensia. E delegashon lokal a konsistí di 6 landadó.
Fuera di Vinck, Johannes i De Cuba, Jayen Viscaino, Indra van Dijk i Zinha Falbru tambe forma parti tambe dje selekshon di natashon di Kòrsou. Van Dijk i Falbru a kompetí den e enkuentronan riba laman, esta ‘open water’. E tim ta bou di guia di entrenadó Reginaldo Brizuela.
Vinck ku ta di klup di natashon Typhoon a gana bròns den e grupo di edat 11-12 aña mucha homber den e disiplina 200 meter butterfly, esta barbulètè. Johannes di klup Sithoc a konkistá su medaya di bròns tambe den e grupo di edat 11-12 aña mucha muhé 200 meter back stroke, esta lomba. Den e grupo di edat 15-17 aña, De Cuba tambe di Sithoc a logra terminá na di tres lugá riba 50 meter butterfly.
![](https://storage.googleapis.com/sportcwmedia/2024/04/3480cddd-124a9814-1024x683.jpg)
![](https://storage.googleapis.com/sportcwmedia/2024/04/04bb52c7-3-1024x682.jpg)
![](https://storage.googleapis.com/sportcwmedia/2024/04/4c5865ba-4-1024x682.jpg)
![](https://storage.googleapis.com/sportcwmedia/2024/04/f8403f99-5-1024x682.jpg)
![](https://storage.googleapis.com/sportcwmedia/2024/04/ef906a1d-12-1024x682.jpg)
![](https://storage.googleapis.com/sportcwmedia/2024/04/feb023c7-13-1024x682.jpg)
![](https://storage.googleapis.com/sportcwmedia/2024/04/2f9515c3-group-1024x682.jpg)
![](https://storage.googleapis.com/sportcwmedia/2024/04/f6b5b73a-124a9805-1024x682.jpg)
![](https://storage.googleapis.com/sportcwmedia/2024/04/57515b03-image_4-768x1024.jpg)
![](https://storage.googleapis.com/sportcwmedia/2024/04/57515b03-image_3-768x1024.jpg)
![](https://storage.googleapis.com/sportcwmedia/2024/04/d75f0ee2-image_2-768x1024.jpg)