Pichingolo Nissan a logra gana ayera, djaweps 26 di ougùstes, atrobe despues di a pèrdè algun wega den komienso dje kampionato di sòfbòl fast pitch, esta Liga MCB-CSB. E tim kampion di Kòrsou a derotá Fenix Softex ku skor di 6-3.
Despues di a kai atras 1 pa 0 den promé inen, Pichingolo ta reakshoná ku 4 kareda den bòm di su di kuater ta logra seya su triunfo finalmente ku skor di 6 pa 3.
Pichingolo Nissan 6 kareda, 7 hit i 0 eror. Picher ganadó a resultá Arnalda Margaritha, miéntras ku Xiarysse Emerenciana i Julise Koffy a sobresalí na bate. Tur dos a dal 2 hit den 3 turno.
Fenix a skor pues 3 kareda riba 3 hit, miéntras ku e tim a hasi 1 eror. Picher Sarayd Ramil Linarez a sufri e derota. Loeyendra Valentyn a bati 2 hit den 3 turno.
E kampionato ta sigui mañan djasabra den Sabana Ballpark. Pa 7or di anochi ta su tereno kontra di otro The Fighting Team i Sta.Rosa Angels Vanddis, miéntras ku 9or tin e wega entre Souax Gill’s Sport I Pichingolo Nissan.
