Sport.cw

Sponsored by

Sponsored by

Sponsored by

Akshon di sòfbòl SKAKplus

E torneo di sòfbòl SKAKplus ta ranka sali mañan djaweps 28 di yüli 2022 na Van Engelen Ballpark, mihó konosí komo Suvek. Timnan for di Aruba, Bonaire i Kòrsou ta partisipá den e kompetensia. Esaki ta dura te ku djadumingu.

SKAK ta abreviashon pa Sòfbòl Komersial Aruba Kòrsou. E torneo aki a kuminsá na aña 2014 na Aruba. E idea original a kuminsá a base di un kombersashon entre Curtly ‘Gino’ Valeriaan di MCB e tempo ei i Albertico Loopstok di Aruba.

Loopstok tabata partisipando na un torneo na Kòrsou ku e tim Flatstone Universal Trophy. Esaki tabata den un kompetensia dje tim Navegantes di Kòrsou den luna di aprel. Den mesun aña Loopstok a organisá e promé edishon na Aruba, ku e plan pa e sigiuente edishon tuma lugá na Kòrsou.

Sinambargo tabata te na 2019 numa ku Kòrsou pa promé bia a organisá e torneo di sòfbòl, mientras ku promé e kompetensia tabata tuma lugá na Aruba só. Por sierto ku e tim di Selikor a titulá kampion dje edishon di SKAK na Aruba, i den mesun aña e tim di BAB a gana e promé edishon den mesun 2019 na Kòrsou.

Pa motibu dje pandemia Covid-19 no tabatin e torneo SKAK na 2020 ni 2021. E aña aki sí tin e kompetensia ku yama awor SKAKplus, komo aparte di timnan di Bonaire i Kòrsou, tin tambe un tim di Bonaire partisipando. Otro aña na Aruba tin tambe timnan for di San Martin i Merka.

Stichting Internationale Politie Sportweken (SIPS) ta enkargá ku organisashon di SKAKplus na Kòrsou. E promé wega ta mañan djaweps 7or di anochi i ta entre Sulca i Among Us. Mitar di 10 timnan di Selikor i OMNI ta hunga kontra otro.

SKAKplus ta sigui djabièrnè anochi 7or ku ORV/Polis vet kontra di VKC. Mitar di 9 ta sigui e wega entre Setar i Renaissance; 10or e tim di WEB ta midi forsa ku SDKK/ACU. Mitar di 12 ta subi vèlt kontra di otro timnan di Quick60 i Coca Cola.

Djasabra i djadumingu tin weganan foi mainta 10or te lat atardi i anochi.

Translate »