Sport.cw

Sponsored by

Sponsored by

Sponsored by

Apertura Carifta Jr Chess

E di 8 edishon di Carifta Junior Chess Championship 2019 ta ranka sali mañan, djabièrnè 19 di aprel, ku su promé buelta, despues ku awe djaweps tabatin e apertura ofisial dje evento. Esaki a tuma lugá na e bunita fòrti di Curaçao Hilton Resort na Piscadera.

Un kantidat rèkòrt di 185 ahedresista hubenil for di 11 pais i isla den Karibe ta kompetí e dianan aki te ku 23 di aprel kontra di otro riba suela di Kòrsou. E partidonan ta tuma lugá den Willemstad Room di Curaçao Hilton Resort, ku poriserto ta e kas dje ahedresistanan durante e evento aki.

Komishon organisadó di Federashon Ahedres Kòrsou, esta FEDAKO, a hinka un bunita programa di apertura den otro dje di 8 edishon di Carifta Junior Chess Championship 2018. Maestro di seremonia dje anochi aki tabata Nina Genaro ku a hasi un tremendo trabou.

Bou dje invitadonan tabatin entre otro presidente di Federashon Deportivo I Olímpiko Kòrsou (FDOK) Rignal ‘Jean’ Francisca. Apesar dje retraso den e programa, esaki despues a kana bon. Despues ku e hóben Tyheisha Bernabela a kanta e himno di Kòrsou, tabatin instalashon dje banderanan dje paisnan partisipante.

Fuera dje diferente diskursonan di entre otro presidente di FEDAKO, representantenan di patronisadó mayó MCB, Curaçao Hilton Resort i tambe dje federashon regional di ahedres. Mas aleu tabatin tambe un hopi bunita show di grupo di baile D’Art i finalmente un tremendo presentashon dje artista lokal Aemy Felicia.

Translate »