Aruba den wikènt a sali kampion Little Little internashonal dje torneo Creme de la Creme. Ela superá den final Tra’i Seru ku skor di 11-0. Den Minor League internashonal Sta Maria a titulá kampion derotando Tra’i Seru 13-11.
E torneo Creme de la Creme Internashonal su weganan a tuma lugá den e parke di beisbòl na Post 6. Tabatin weganan di T-ball, pre Minor, Minor i Little League.
Montaña Abou a bira kampion den T-ball. E tim a gana ku skor di 10-9 di Marchena. Den pre Minor Brievengat a titulá kampion derotando Sta Maria ku skor di 3-2.
Den Minor League internashonal dje torneo Creme de la Creme e sigiuente timnan a pasa pa semi final: Sta Maria 1, Sta Maria 2, Tra’i Seru i Van Engelen. Tra’i Seru a pasa pa final despues di gana di Sta Maria 2 ku skor di 8-5. E otro finalista a bira Sta Maria 1 ku a gana ku skor di 12-2 di Van Engelen.
Finalmente Sta Maria 1 a titulá kampion ganando ku skor di 13-11 di Tra’i Seru. Picher Jzion Mogen a gana e wega i e mes tambe tabata mihó bateadó ku 2 hit den 5 turno. Picher Zhaydire Joubert a pèrdè e wega i Zaid Bautisma a bati 1 hit den 1 turno.
Den Little League internashonal dje torneo Creme de la Creme den bueltanan preliminar tabatin e sigiuente resultadonan: St. Michiel vs Marchena 11-3, Tra’i Seru vs St. Michiel 5-4, Aruba vs Montaña Ariba 8-2, Tra’i Seru vs Marchena 4-0, Aruba vs Sta Maria 8-3, Montaña Ariba vs Sta Maria 1-0, Tra’i Seru vs Montaña Ariba 10-8 i Aruba vs St. Michiels 10-5.
Den final a hunga kontra otro Aruba i Tra’i Seru. Aruba a bira kampion ganando ku skor di 11-0. Picher ganadó tabata Daniel Benschop, miéntras ku Teivic Tromp a sali mihó bateadó dje wega ku 3 hit den 3 turno. Picher Deander Fecunda a pèrdè e wega i Roberto Simmons a bati 2 hit den 3 turno.
