Sport.cw

Sponsored by

Sponsored by

Sponsored by

Di 5 wega salbá pa Jansen

Kenley Jansen ta sigui ku su bon aktuashon den e kompetensia nobo di MLB. E picher yu di Kòrsou djasabra a salbá su di 5 wega pa Los Angeles Dodgers. Su tim a gana ku skor pèrtá di 5-4 di San Diego Padres.

Te ainda Jansen ta kasi impekabel riba montíkulo. Djasabra ela pichá e ultimo 1 inen i un tèrsio pa registrá su di 5 wega salbá. Ela ponchá 2 batiadó i no a pèrmiti hit ni kareda.

Jansen ku ta e closer di Dodgers a picha te ku awor 9 inen i un tèrsio den e kompetensia nobo di MLB. Ela pèrmiti te ainda solamente 2 hit i 2 kareda. Mas aleu ela ponchá 12 kontrinkante i tin un persentahe di kareda limpi di 1.93.

Didi Gregorius ayera djadumingu a bati 1 hit den 4 turno na bate, pero a hasi tambe su di 5 eror den korto tempu. Djasabra ela konektá 1 hit den 5 turno.

Te ku awor Gregorius a dal 18 hit den 67 turno na bate, bou di kua 2 homerun. Su average ta di 269 punto. Su tim Philadelphia Phillies a pèrdè ku skor di 12-2 di Colorado Rockies.

Ozzie Albies i su tim Atlanta Braves a hunga ayera djadumingu un double header. Esaki tabata kontra Arizona Diamondback. Albies den e promé wega a bai de 2-0 na bate. Den e di dos wega ela haña tres turno pero no a logra dal hit tampoko. Arizona a gana ku skor di 5-0 i 7-0.

Albies tin den e kompetensia nobo di MLB 11 hit den 67 turno, bou di kua 3 homerun. Su average ta sinembargo di apenas 169 punto.

Andrelton Simmons no a hunga ayera pa su tim Minnesota Twins. E yu di Kòrsou tabata sufri di Covid-19 i pues tabata isolá ku basta dia sin mira akshon. Porsierto ku awe djaluna e ta planiá pa hunga atrobe

despues di a rekuperá dje kontagio. Te ku awor Simmons a bati 11 hit den 31 turno na bate, ku ta bon pa un average di 370 punto.

Translate »