Kòrsou den wikènt tabata anfitrión di un torneo grandi di bolas krioyas na Van Engelen Sportpark. E tim Papaya Ranch di Aruba a titulá kampión den kategoria femenino i Fugada di Kòrsou a gana den kategorie maskulino. E tim Cavaliers, tambe di Kòrsou, a konkistá e titulo kampionil den kategoria hubenil.
Komishon Internashonal Kòrsou port mirá’tras riba un eksitoso torneo titula Internashonal Bolas Krioyas Kòrsou 2023. Esaki a tuma lugá den e parke di bolas den Van Engelen Ballpark.
Un gran total di 67 tim a kompetí den e torneo di bolas krioyas reparti den tres kategoria. Senior Femenino, Senior Maskulino i Hubenil. Fuera di timnan di Kòrsou, a kompetí tambe vários tim di Aruba i Boneiru.
E timnan a kompetí deportivamente kontra di otro. Un públiko grandi a presensiá e kompetensia aki. Tabatin tremendo ambiente durante e torneo ku fanátikonan apoyando e respektivo ekiponan.
Den kategoria femenino e tim di Papaya Ranch Aruba a bai kas ku e titulo kampionil. Rasta Girls di Boneiru a terminá komo supkampion den e grupo aki.
E tim di Fugada di Kòrsou a bira kampion den kategoria maskulino. E tim ku e number kopioso Tira Malu Pega Bon di Aruba a terminá komo subkampion.
Den kategoria hubenil tambe un tim di Kòrsou a titulá kampion. Esaki ta Cavaliers. Na di dos lugá a keda Babranis ku tambe ta di Kòrsou.
Foto’s: Komishon i Jacinto de Jesus
![](https://storage.googleapis.com/sportcwmedia/2023/05/c6c64917-img-20230501-wa0026-1024x473.jpg)
![](https://storage.googleapis.com/sportcwmedia/2023/05/c6c64917-img-20230501-wa0022-1024x473.jpg)
![](https://storage.googleapis.com/sportcwmedia/2023/05/c6c64917-img-20230501-wa0023-1024x473.jpg)
![](https://storage.googleapis.com/sportcwmedia/2023/05/c6c64917-img-20230501-wa0025-1024x473.jpg)
![](https://storage.googleapis.com/sportcwmedia/2023/05/c78bc584-img-20230501-wa0027-1024x473.jpg)
![](https://storage.googleapis.com/sportcwmedia/2023/05/c6c64917-img-20230501-wa0028-1024x473.jpg)