Sport.cw

Sponsored by

Sponsored by

Sponsored by

Hopi akshon di Little League

E tan sperá kampionato di Karibe di Little League a kuminsá awe, djasabra 13 di yüli 2019, den parke di beisbòl na Post 6, Rio Canario. E kompetensia ta dura te ku dia 21 di yüli. E promé wega ta entre Liga Pariba di Kòrsou kontra Bahamas.

Promé ku e kampionato a kuminsá tabatin ayeranochi 7or e tradishonal loteria di timnan ku ta kompetí. Esaki a tuma lugá na Mancamp, kaminda e timnan ta keda durante e kompetensia. A hiba palabra Carlos Pagan ku ta direktor regional di Karibe i Latino Amerika di Little League, Urny Florian ku ta atministradó di distrito i Lucas Beaujon dje organisashon lokal di Little League.

Un total di 11 selekshon ta partisipá den e kampionato di Karibe di Little League. Den pul A tin Liga Pabou, San Martin, US Virgin Islands, Aruba i Puerto Rico. E timnan den pul B ta Liga Pariba, Bahamas, Antigua, Republika Dominikana, Boneiru i Cuba. Lo hunga den parke di beisbòl na Post 6 i tambe na Frank Curiel Ballpark na Sta Maria.

Komo pais anfitrión Kòrsou ta representá pa dos selekshon: Liga Pariba i Liga Pabou. Por sierto ku Liga Pabou ofisialmente a gana e seri lokal pa representá Kòrsou.

Liga Pariba ta e promé dje selekshonnan di Kòrsou pa hunga. E wega aki ta kontra di Bahamas i ta aden aktualmente. Anochi 7or Liga Pabou ta hunga kontra di San Martin. Tur dos wega ta den parke di beisbòl na Post 6, Rio Canario.

E kampionato ta sigui despues riba djadumingu ku 5 wega. 

Translate »