Sport.cw

Sponsored by

Sponsored by

Sponsored by

Promé triunfo Liga Pariba

E kampionato a ranka sali awe 3or den parke di beisbòl Post 6 na Rio Canario. Komo pais anfitrión dje kampionato Kòrsou ta kompetí ku dos selekshon: Liga Pabou i Liga Pariba. E tim prinsipal ta Liga Pabou ku a gana e seri. E weganan ta tuma lugá na Post 6 i den Frank Curiel Ballpark na Sta Maria.

Un total di 11 selekshon ta partisipá den e kampionato di Karibe di Little League. Den pul A tin Liga Pabou, San Martin, US Virgin Islands, Aruba i Puerto Rico. E timnan den pul B ta Liga Pariba, Bahamas, Antigua, Republika Dominikana, Boneiru i Cuba. Lo hunga den parke di beisbòl na Post 6 i tambe na Frank Curiel Ballpark na Sta Maria.

Liga Pariba den e wega inougural a kai atras 0-1 den promé inen. Den di 3 inen Bahamas a skor 2 kareda mas i bai dilanti 3-0. E tim parse tabata bai gana e wega ora ela yega di 6 inen ketu bai ganá 3-0.

E selekshon di Liga Pariba a gana awe, djasabra 13 di yüli 2019, e wega inougural dje kampionato di Karibe di Little League. E tim sinembargo a pasa den un sustu enorme, pero den último inen a skor 7 kareda pa asina superá Bahamas ku skor di 7-3.

Den di 6 alabes último inen sinembargo Kòrsou a skor 7 kareda pa asina bòltu e skor 7-3. Bahamas den bòm dje di 6 inen no a skor i asina Liga Pariba di chiripa a gana e enkuentro.

Picher Johaimry Balentina a gana e wega. Ela relevá picher habridó Davidson Antonia den di 3 inen i no a pèrmití kareda. Ela ponchá 8 batiadó. Antonia a pèrmití e 3 karedanan di Bahamas, entre nan un homerun. Jeziel Boekhoudt tambe a mira akshon sakando e último dos outnan.

Ashton Rafaela, Ruchano Petronia Zhaydire Joubert a destaká na bate pa Liga Pariba. Rafaela a bati 1 hit den 1 turno, miéntras ku Petronia i Joubert kada un tabata bon pa 1 hit den 2 turno.

Picher pèrdèdó a resultá Anthony Miller Jr ku a drenta di relevo den di 6 inen pa picher habridó Alexandres Eneas ku den 5,1 inen a pèrmití 2 kareda riba 3 hit. Miller tambe a pèrmití 2 kareda. Tambe a mira akshon riba montíkulo Bohan Adderley ku a pèrmití 3 kareda.  

E mihó batiadó pa Bahamas tabata Durwuan Stuart. E tabatin un atardi perfekto den kaha di bateo. Ela bati 3 hit den 3 turno, bou di nan un homerun. Ku su hitnan ela sòru pa tur 3 kareda di su tim.

Translate »