E kampionato regular di RBI a sigui wikènt tras di lomba den Tio Daou Ballpark. Den 7 wega tabatin un total di 108 kareda. Fire Birds Padres i Wild Cats/St. Michiels Dodgers a gana nan dos enkuentronan i ta kompartí e promé puesto ku 7 viktoria i 1 derota.
Marchena Braves a gana ku skor di 11-1 di Sta. Rosa Indians. Picher ganadó tabata Raydjen Rosina, miéntras ku Thair Sambo a bai di 2-2 pa Braves. Picher pèrdèdó tabata Shurick Mouricia. Allen Hollander a bati 1 hit den 2 turno.
Firebirds Padres a superá Royal Scorpions Cardinals 8 pa 1. Michelson Felipa tabata e picher ganadó i mihó bate tabata Wilmer Bazur di 2-2, ku un honron. Pa Cardinals a pèrdè picher Steaven Amorsingh i David Schotborgh a bai di 1-1 na bate.
Wild Cats/St. Michiel Dodgers a derotá Suffisant Royals 15 pa 1. Picher ganadó tabata Nathan Isenia i Nahiem Mutueel a bai di 2-2. Picher Vienerick Francisca a pèrdè i Maeverson Francisca a konektá e úniko hit pa Royals.
Marchena Braves a pasa riba Groot Kwartier Astros ku skor di 17-6. Picher ganadó tabata Leivendrick Meulens. Na bate a sobresalí Joshua Leito i Tha-Vish Doran, tur dos a bai di 4-2. Picher pèrdèdó tabata Terrence Seintje i Najearlon Reinillia tabatin un dia perfecto na bate ku 3 hit den 3 turno.
Sta. Rosa Indians a gana di Suffisant Royals 15- pa 6. Picher ganadó tabata Jaedon Colina, miéntras ku Jamil Zalm i Rodmar Angela a bai di 3-2 na bate. Picher pèrdèdó tabata Alexys Snel. Kevin Overman i Maeverson Francisca a konektá e úniko dos hitnan di nan ekipo.
Firebirds Padres a superá Groot Kwartier Astros ku skor di 10-4. Picher Eddyson Jobs a gana i e mes a sali mihó batiadó ku 2 hit den 3 turno. E picher pèrdèdó tabata Tristan Calmes i David Raap a bai di 1-1.
Wild Cats/St. Michiel Dodgers a gana di Royal Scorpions Cardinals ku skor di 12-1. Picher ganadó tabata Cleavon Lasten i Nahiem Mutueel a bai di 3-3. Picher Wenevon Apostel a sufri e derota i Jayverson Rellum a bai di 1-1.
