Sport.cw

Sponsored by

Sponsored by

Sponsored by

Intermediate Pariba a gana

Liga Pariba ta bai representá Kòrsou den kampionato regional den Intermediate League. E selekshon aki ayera, djabièrnè 27 di aprel 2018, a gana e último dos weganan i asina tambe gana e seri kontra Liga Pabou ku 7-5.

Intermediate League  ta un dje divishonnan ku tambe ta kai bou di Curaçao Little League. E liga aki último simannan tabatin un seri di wega entre Liga Pariba i Pabou.

E seri a kuminsá ku Liga Pariba ganando e promé dos weganan. Despues Liga Pabou a gana e sigiuente dos enkuentronan i asina empatá e seri. E timnan despues a sigui gana pa bùrt di otro i pues a drenta e wikènt largu aki empatá na 5 triunfo pa banda.

Ayera djabièrnè tabatin dos wega planiá atrobe entre e dos liganan. E selekshon di Liga Pariba a bin bon prepará i den un tremendo demonstrashon a gana ku skor di 13-6 di Liga Pabou pa asina bai 6-5 dilanti den e seri.

Picher ganadó a resultá Yardielo O’niel, miéntras ku picher Keorden Leito a pèrdè pa Liga Pabou. Tyree Valeriaan i Yardielo O’Niel a sobresalí na bate pa Liga Pariba, kada un ku 3 hit den 4 turno. E mihó bateadó pa Liga Pabou tabata Mairoshendrick Martinus ku 2 hit den 3 turno.

Den e di dos wega Liga Pariba i Liga Pabou a lucha duru kontra di otro. Pero un biaha mas tabata Pariba ku a gana: 4-3. Ku e viktoria aki e selekshon a gana tambe e derechi pa representá Kòrsou próksimamente den kampionato regional den Intermediate League.

Picher ganadó den e di dos enkuentro tabata D-sean Wederfoort, miéntras ku Joshua Leito a resultá e picher pèrdèdó. Nair Jamanika a sali mihó bateadó pa Liga Pariba ku 2 hit den 2 turno. Pa Liga Pabou Lushendrick Nahr a kaba ku 1 hit den 1 turno na bate.

Translate »