Kòrsou e siman aki, di djaluna 22 te ku djasabra 27 di mei, ta anfitrión di e di 31 edishon di Senior Pan American Karate Championships 2017. Entre 300 pa 450 karatekanan for di 30 pais lo kompetí den diferente kategoria kontra di otro. Pa promé biaha tambe lo tin pelea den divishonnan di Para-karate.

 

E Senior Pan American Karate Championships 2017 ta tuma lugá den sala grandi di World Trade Centre (WTC) na Piskadera. Di promé 2 dianan dje evento ta reservá pa kurso pa entre otro rèfri, tayer i reunionnan tèkniko, miéntras ku e kompetensianan den e diferente kategorianan mes ta ranka sali riba djaweps 25 di mei.

E komishon organisadó ta konsistí di e sigieunte personanan: William ‘Junior’ Millerson, Gilberto Doran, Humphrey Josefa, Ivonne Leito-Senff, Andy Nicolaas, Franklin Martis, Aubrey Pasial, Jervhes Josephia, Fausto Kirindongo, Charles van der Geld, Euclid Landsmark i Kenneth Gaari.

E akomodashon ofisial kaminda e karatekanan for di eksterior ta keda, ta Hilton Hotel. Esaki pues ta keda den serkania di WTC, kaminda e peleanan ta tuma lugá