Curfutsal ta sigui mañan djaweps, 18 di novèmber 2021, ku Kaya 4 den Sala Niels Liberia di Stadion Odulio Willems. FC Don Bosco i FC San Lucas ta topa otro 8or, miéntras ku Sta Rosa Stars i FC Securitas 9or ta hunga kontra di otro.

FC Don Bosco den apertura di Kaya 4 a zona un kampanaso ganando ku skor di 5-4 di FC Securitas. Dado momento e tim bou di guia di Jessica ‘Jess’ Victoria tabata ganá komodo ku 4-0.

Den e otro wega San Lucas tambe a sali brabu ku golnan den trempan di wega pa pika 2-0 dilanti. Sta Rosa Stars despues di a hinka su promé gol, a haña algun oportunidat klave pa por a empatá e wega. Esaki no a logra i e tim di pariba a pèrdè ku skor di 3 pa 1.

Mañan Don Bosco i San Lucas ta bai purba gana nan di dos wega. Pues un su invikto lo kai, sí e wega no tèrminá empatá. Den kampionato regular San Lucas a gana ku skor di 7-1 di Don Bosco.

Den e otro wega Securitas ta bai purba tuma revancha riba Sta Rosa Stars. E tim di pariba a gana den kampionato regular ku skor di 3-1 di Securitas.