E kompetensia den Kaya 6 di Liga MCB promé divishon ta sigui awé ku e wega entre Inter Willemstad i Jong Holland. Den su promé kompromiso den e seri di seis tim Inter Willemstad a empatá na 2 gol ku Centro Barber. Jong Holland di su banda a triunfá ku skor di 2 pa 0 riba Centro Dominguito.
Federashon Futbòl Kòrsou (FFK) ta organisá Kaya 6, despues dje kampionato regular. E otro dos timnan den e seri aki ta Skèrpènè i Jong Colombia. Por sierto ku e tim saminero Jong Colombia a gana ku skor minimo dje tim di pariba: 1-0.
Pues Jong Holland i Jong Colombia tin 3 punto. Inter Willemstad I Centro Barber tin 1 punto, miéntras ku Centro Dominguito i Skèrpènè ta sin punto ainda.
E sigiuente wega den Kaya 6 entre Inter Willemstad i Jong Holland awé ta kuminsá 8or. Esaki ta tuma lugá den Stadion Rignaal Jean Francisca den Brievengat. E kompetensia ta sigui djabièrnè tambe 8or di anochi i den mesun stadion ku e enkuentro entre Jong Colombia i Centro Dominguito.
