E kompetensia di CurFutsal a kontinuá ku kuater wega den tantu divishon A komo B. Tabatin total 48 gol den e dos divishonan. E skor di mas grandi tabata den divishon B. Union Deportivo Koral Specht a goliá Ocean View Plus 9 pa 0.
E kampionato regular di CurFutsal ta tuma lugá den Sala Niels Liberia di Stadion Odulio Willems na Suffisant.
Den divishon A Bugs Bunny a sigui ku su bon prestashon i a gana ku skor di 6 pa 1 di FC Brabanis. FCCE United a triunfá 2 pa 1 riba Sta Helena Stars. E wega entre FC Don Bosco i Securitas a tèrminá den un empate na 4 gol. FC IGA i SOV Nojo tambe a parti punto ku e wega kabando na 2 pa 2.
Den divishon B Union Deportivo Koral Specht a humiá Ocean View Plus ku skor di 9 pa 0. Ocean View Loyalty a gana 3 pa 0 di Ocean View Elite. SV Gibraltar a pèrdè ku skor di 4-2 di Ocean View Social. Young Boys a triunfá ku skor di 6 pa 2 riba Sta Helena Boys.
E kompetensia ta sigui mañan anochi djaweps ku algun wega den Sala Niels Liberia di Stadion Odulio Willems na Suffisant.
