Sport.cw

Sponsored by

Sponsored by

Sponsored by

Fighting Team i Souax na kabes

Souax Gill’s Sport i The Fighting Team ta kompartí e promé puesto den dòbel A di sòfbòl femenino fast ball. Kada un tim tin 6 wega ganá i 1 derota. Den klase A Souax ta e úniko tim invikto te ainda ku 6 triunfo, di kua den e ultimo wega J’Dah Girigorie a tira un no hit, no run kontra di Rising Trotters.

E kampionato regular di sòfbòl a sigui ku sinku wega: dos den dòbel A i tres den klase A. Den e seri di weganan aki The Fighting Team a gana di Fenix pa asina pasa pa okupá e promé lugá den dòbel A huntu ku Souax, mientras ku den klase A J’Dah Girigorie no a pèrmití hit ni kareda i asina mantené su tim Souax invikto.

Sharon-Rose De Lanoi a konekta doblete bari base den prome inen pa guia The Fighting Team na e viktoria riba Fenix. Picher ganadó tabata Lee-Ann Craanberg, miéntras ku e mes tabata tambe mihó batiadó ku 2 hit den 2 turno. Picher Yetsely Helmijr a sufri e derota. Susmailine Rifaela a dal 1 hit den 2 turno.

The Figthing Team a skor 10 kareda riba 8 hit, mientras e tim tabatin 3 eror. Fenix tabatin 7 kareda riba 6 hit i 1 eror

Den e otro wega ku tabata empatá na 3 kareda den kabes dje di 7 inen, Kimberley Agard a konekta hit pa empuga e di 4 kareda pa Pichingolo kontra Sta Rosa Angels. Ku 3 kareda mas su tim a gana e wega ku skor di 7 pa 3.

Pichingolo a skor 7 kareda riba 13 hit i tabatin 1 eror. Picher ganadó tabata Julise Koffie, miéntras ku Geneviëve Hariquez a bati 3 hit den 4 turno pa sali mihó batiadó. Ciröendra Peloz a dal un homerun pa Pichingolo.

Sta Rosa Angels tabatin 3 kareda riba 7 hit i e tim a fildeá sin komete eror. Picher perdedó a resultá Daine Rosa. Mihó bate tabata Sandeline Reina ku a bai di 1-1.

Den klase A J’Dah Girigorie a gana pa Souax. E strea a tira 5 inen i no a permiti kareda ni tampoko hit. Ela ponchá 12 batiadó i no a duna niun base por bola. Esaki a nifiká ku ela pichá wega perfekto kontra di Rising Trotters pa su tim gana ku skore di 12-0.

Souax a skor pues 12 kareda riba 9 hit i no tabatin eror. Picher ganadá pues tabata J’Dah Girigorie. Ela bati un homerun tambe. Miho bate tabata Myah Thompson ku a bai di 3-2. Pa Rising Trotters: 0 kareda, 0 hit i 5 eror. Picher Jaqueline Sophia a pèrdè e wega.

Mas aleu Soto a gana di Sta Rosa Angels ku skor di 11 pa 8. Soto a kaba ku 11 kareda riba 5 hit, miéntras e tim tabatin 3 eror. Picher ganadó tabat Sudaishely Hooi i mihó bate tabata Shudriyen Merce di 3-1, ku 3 kareda empuhá. Sta Rosa a kaba ku 8 kareda, 10 hit i 6 eror. Picher Magenta Bernadina apesar di tira 13 ponche a sufri e derota. Shantally Suart a bai di 2-2.

Finalmente Pichingolo a gana Liberty ku skor di 9 pa 3. Pichingolo: 9 kareda, 8 hit 0 eror. Picher ganadó tabata Taynise Prince Jacobus, miéntras ku Myriela Carlo a bati 1 hit den 1 turno (1-1). Liberty  a kaba ku 3 kareda, 3 hit i 2 eror. Picher Zulaima Croes a pèrdè e wega. Mihó bate tabata Angelica Vilchez ku 2-2.

E posishon dje timnan den dòbel A ta: 1. Souax i The Fighting Team ku 6 wega ganá i 1 pèrdí; 3. Pichingolo 5-3, 4 Fenix i Sta Rosa Angels 3-5 i na diseis lugá Treasure ku 0-8.

Den klase A e standing ta: 1. Souax 6-0; 2. Soto 5-1. 3. Rising Trotters i Pichingolo ku 3-3; 5. Sta Rosa Angels 1-5 i na ultimo lugá Liberty ku no a logra gana niun wega te ainda (0-6).

E kampionato ta sigui djaweps 8 di sèptèmber ku dos wega di dòbel A den Sam Bunting Ballpark na Brievengat. Pa mitar di 8 Finex Softex ta hunga kontra Treasure. Mitar di 10 tin e wega entre Pichingolo Nissan i Souax Gill’s Sport.

Translate »