Sport.cw

Sponsored by

Sponsored by

Sponsored by

Kòrsou su selekshon ta konosí

Remko Bicentini i su tim tèkniko a skohe e 24 hungadónan ku ta forma e selekshon nashonal di Kòrsou. E tim akí ta hunga djasabra 25 di mart awor kontra di Canada. Esaki ta e delaster wega di Kòrsou den e kompetensia CONCACAF Nations League 22-23.

Bicentini i su staf a kuminsá e periodo di preparashon ku 41 hungadó ku ta hunga den eksterior i tambe den Liga MCB di promé divishon di Federashon Futbòl Kòrsou (FFK). Djamars ultimo ela anunsiá e 24 futbolistanan ku ta forma e selekshon definitive.

E selekshon ta konsistí dje sigiuente hungadónan: Godfried Roemeratoe, Juninho Bacuna, Leandro Bacuna, Eloy Room, Vurnon Anita, Elson ‘Sontje’ Hooi. Kevin Felida, Kenji Gorré, Sherel Floranus. Brandley Kuwas, Rangelo Janga, Richairo Zivkovic, Roshon van Eijma, Giovanni Troupée, Rhu-Endly ‘Cuco’ Martina, Trevor Doornbusch, Xander Severina, Juriën Gaari, Tyrick Bodak, Justin Ogenia, Nathangelo Markelo, Darryl Lachman, Jeremy Antonisse i Shanon ‘Cheese’ Carmelia.

E wega kontra di Canada riba 25 di mart ta tuma lugá den Stadion Ergilio Hato di Sentro Deportivo Kòrsou (SDK) i ta kuminsá 9or di anochi. Un karchi pa sekshon general ta 25 florin i pa sekshon di VIP esaki ta 175 florin.

Karchinan ta online disponibel via di Caribbeanticketshop; https://caribbeanticketshop.com/events/curacao-canada-25-03-2023. For di mañan djabièrnè 17 di mart fanatikonan por kumpra karchi na e puntonan di benta di kustumber.

Translate »