E selekshon di sòfbòl femenino di Kòrsou tin un meta: klasifiká den tòp 4 di Weganan Sentro Américano y del Caribe (CAC) i purba gana un medaya. E tim su ophetivo ta pa hasi lo maksimo pa konkistá bròns na El Salvador próksimamente.
CAC 2023 ta evento deportivo di mas grandi i tambe fuerte den region ku Kòrsou mag di kompetí aden den e siklo olímpiko. E kompetensia aki ta tuma lugá na El Salvador.
Fuera dje selekshon di Kòrsou, tin 7 otro delegashon kompetiendo den e kampionato regional. Esakinan ta Puerto Rico, Mexico, Venezuela, Cuba, pais anfitrión El Savador, Guatemala i Reúblika Dominicana.
Dje selekshonnan ei tin dos pais ku ta den e top 10 di ranking mundial: Puerto Rico (no. 4) i Mexico (no. 6). Tambe tin Cuba ku a gana medaya di bròns na e kampionato Panamericano na 2022 i Venezuela ku a kaba di klasifika pa Mundial di Softbol 2023. E meta dje seleskhon di sòfbòl di Kòrsou ta pa eliminá un dje kuater paisnan faborito aki, pa asina dentra e top 4.
Esaki ta e di 14 edishon di sòfbòl femenino di Weganan di CAC, di kual Antias a kompeti na 9 okashon i gana 3 medaya di bròns. Esakinan tabata na 1974, 1998 i 2002. Ultimo biaha ku Antias a kompeti den e evento regional aki tabata na 2010.
Antias a split na 10-10-10 i Korsou a bira un pais outonomo den Reino. E selekshon lokal a klasifiká pa CAC di 2018 na Baranquilla pa prome biaha. Na e okashon aki tabatin shete ku Kòrsou terminando na di 6 puesto ku rekort di 1 gana i 5 perdi. Puerto Rico a gana medaya di oro, Mexico plata i Cuba ku bròns.
