Dimitri Leon i Devon Meilink a pasa pa final den e kampionato local di tènis di mesa den kategoria Senior. E enkuentro final ta planiá pa tuma lugá djabièrnè awor, 22 di novèmber 2019, den Sala Rekreo Irene Moreno na Muizenberg.
Ayera nochi, djaluna 18 di novèmber tabatin apertura di e kampeonato nashonal di Federashon Tènis di Mesa Kòrsou (FTMK). A kuminsa e anochi aki ku e kategoria di Senioren, ku ta e kategoria ku e mihó hungadónan di Kòrsou, di kua e kampeon di Korsou 2019 lo sali. Tabatin 10 hungadó, partí den 2 grupo di 5. Di kada grupo e mihó dosnan lo sigi pa semi-final.
Den e parti di klasifikashon aki tabatin algun bon partido i por bisa algun resultado tambe poko sorprendente. Ravi Rajwani ta ser derotá pa Raymond Begina, ku tabatin un anochi ku hopi bon aktuashon i ta termina tambe den su grupo komo number 2.
Tambe mester bisa ku Jaysron Mathilda tabatin un aktuashon mihó ku su ultimonan. E por poko ta sigi pa pa semi final. E la forsa un triple empate na prome luga den su grupo, kaminda tabata rankeá number 2 i 3 ku ta respektivamente Devon Meilink i Henny Metri. E la sa di gana di Henny Metry ku na su turno a gana di Devon Meilink. E derota di Mathilda di 3-0 kontra Meilink, a pone ku e la kai afó pa averahe di resultado entre nan tres.
Den e otro grupo tambe por poko Ravi Rajwani ta gana di Dimitri Leon, kaminda e tabata dilanti 2-0. Pero atrobe Leon ta mustra ku e sa kon pa bòns bèk i ta gana 3-2 i finalisa den su grupo komo number 1. Asina ey ta pasa pa e semi finalnan Dimitri Leon, Devon Meilink, Raymond Begina I Henny Metry. Dimitri ta pasa fasilmente riba Henny 3-0, mientras Devon Meilink ta gana di Raymond 3-1.
Un biaha mas nos ta bai haña den nos divishon di mas haltu e klasiko di ultimo tempu den nos pinpòn entre Dimitri, ku ta bai defende su titulo kontra Devon Meilink. Esaki lo ta den nos Sala Rekreo Irene Moreno na Muizenberg djabièrne awó den e finalnan di tur e 4 kategorianan. \lsdpri
