Sport.cw

Sponsored by

Sponsored by

Sponsored by

Minor Pabou a gana seri

Liga Pabou ayera, djadumingu 29 di aprel 2018, a bolbe gana di Liga Pariba den e seri di weganan den Minor division. Ku e viktoria aki Pabou a gana e seri i tambe e derechi pa representá Kòrsou den kampianato regional.

E seri di enkuentronan den Minor division a tuma lugá den Parke Post 6 na Rio Canario. Esakinan a keda organisá pa e organisashon di Curaçao Little League.

Djaweps Liga Pabou a gana ku skor di 12-7 di Liga Pariba, miéntras ku djabièrnè e sekekshon di Pabou a gana tambe di Liga Willemstad: 18-0.

Riba djasabra Liga Pariba a dal Liga Willemstad ku skor di 14-2. Picher ganadó tabata Jeremy Goilo i mihó bateadó a resultá Sjuliandrick Luijando ku 2 hit den 2 turno. Picher Dionner Booy a pèrdè e wega, miéntras ku Faryir Maduro tabatin 1 hit den 1 turno.

Liga Pabou riba djadumingu a bolbe gana di Pariba: 12-10. Zion Pardo a resultá e picher ganadó i Gilventon Josephina tabatin un dia perfekto na bate ku 3 hit den 3 turno. Picher Zhaydire Joubert a sufri e derota, miéntras ku Thaima Maximiliana a tèrminá ku 2 hit den 2 turno.

Ku e viktorianan optené, Liga Pabou a gana e derechi pa representá Kòrsou den kampionato regional. E kompetensia aki ta tuma lugá entre 27 di juli i 5 di ougùstùs na Santo Domingo, Repúblika Dominikana.

 

Translate »