Xaverianen a kontinuá su racha viktorioso den divishon maskulino superior di Federashon Vòlibòl Kòrsou (Fevoko). E tim a gana awenochi, djarason 12 di febrüari 2020, di Stakamahakchi: 3-0.
E kampionto di vòlibòl a sigui awenochi den Sala Errol Rooi di Sentro Deportivo Kòrsou (SDK) na Brievengat. Tabatin dos wega den divishon superior maskulino i femenino.
Den e sekshon maskulino Xaverianen a pone respet ganando Stakamahakchi 3-0 ku parsialnen di 25-16, 28-26 i 25-21. Den di dos sèt Staka a pone hopi preshon riba Xaverianen, pero tòg a pèrdè esaki. Ku a viktoria aki Xaverianen ta mantene e puesto #1 den e temporada regular.
Watakeli den divishon superior femenino a superá Xaverianen den un tremendo partido ku a bai 4 sèt. E parsialnan tabata 25-20, 22-25, 25-19 i 25-14.
Djaluna tabatin wega den divishon A. Den kategoria femenino Xaverianen ia gana ku skor di 2-0 di Jumping Jewels. E parsialnan tabata 25-15 i 25-16. Shuatanari a superá Watakeli B ku skore di 2-1: 17-25, 25-17 i 15-6.
Den e sekshon maskulino Xaverianen i Stakamahakchi a bati kabes ku otro i tabata e hobennan di Staka ku a hunga organisá i a sali viktorioso ku skor di 2-0. E parsialnan tabata 25-19 i 25-15.
E kampionato ta break e konekshon ku e aktividatnan di karnaval i e proksimo wega ta di skèdjel pa 1 di maart.
