Sport.cw

Sponsored by

Sponsored by

Sponsored by

Otro viktoria pa Wild Cats

Wild Cats a gana tambe e di dos wega den su seri kontra Groot Kwartier Stars. E tim supkampion di Kòrsou a bini djatras pa logra e viktoria aki, ku ta e di 13 den e kampionato aki. E Pushinan Brabu a triunfá ku skor di 10 pa 9.

Ayera Wild Cats a gana e promé wega dje seri kontra Groot Kwartier Stars ku skor pèrtá di 3 pa 2. E partido aki a tuma lugá den Tio Daou Ballpark.

E di dos wega awe entre e dos timnan tambe tabata den Tio Daou Ballpark. E Pushinan Brabu den promé inen a pika dilanti anotando 3 kareda. Groot Kwartier Stars den su di dos turno na bate a bòltu e skor I tuma ventaha di 7 pa 3.

Kwartier den kabes dje di shete inen tabata ganá 9 pa 4. Tabata parse ku e tim tabata bai splet e seri di dos wega. Wild Cats sinembargo a hinka 6 kareda den bòm dje mesun shete inen pa asina bòltu e skor na su fabor: 10 pa 9.

Ardley Jansen i Alexander Rodriguez a sobresalí na bate pa e Pushinan Brabu. Jansen a bati 2 hit den 3 turno (3-2). Un dje hitnan tabata un homerun. Rodriguez a kaba ku tambe 2 hit pero den 4 turno. Tur dos ku nan hitnan a hinka 2 kareda pa Wild Cats.

Picher Shurensly Daantji a gana e wega. Ela drenta di relevo den final dje wega i a poncho dos batiadó. Jowendrick Sillie a kuminsá riba montíkulo i a wanta solamente 1 inen i untèrsio. Ela haña 6 kareda kontra dje.

Translate »