Sport.cw

Sponsored by

Sponsored by

Sponsored by

Pichingolo atrobe den final

Pichingolo Nissan a klasifiká atrobe pa otro final di sòfbòl femenino fast pitch. E aktual kampion di Kòrsou a gana den wikènt tras di lomba dos biaha di Souax Gill’s Sport: 9 pa 5 i 10 pa 6. Picher Julisse Koffy a gana tur dos wega.

E intenshon di Curaçaose Softball Bond (CSB) tabata originalmente pa kuminsá ku e weganan di play-off riba 5 di novèmber. Esaki komo ku e selekshon di Kòrsou tabata planiá pa kompetí entre 20 pa 30 di oktober den de kampionato Sur Merikano di sòfbòl na Argentina. E kompetensia sinembargo pa motibu di Covid-19 no a sigui.  

Pesei CSB a kuminsá numa ku e seri di wega di play-off. Den e seri aki number 1 a sali kontra number 2 dje kompetensia regular. Esta Souax Gill’s Sport ku a gana 11 wega kontra 5 derota a topa Pichingolo Nissan ku a terminá di dos ku 10 triunfo i 6 wega pèrdí.

Pichingolo a sali gana e promé wega derotanto Souax 9 pa 5. E enkuentro a drenta ultimo inning empata na 5 kareda. Pichingolo ta skor 4 kareda yudá pa algun eror di Souax pa gana.

Pichingolo tabatin 9 kareda, 12 hit I 2 eror. Picher ganadó tabata Julise Koffie, miéntras ku Trihantely Alexandre tabata mihó batiadó ku 2 hit den 3 turno (3-2). Souax a skor 5 kareda riba 7 hit i a kometé 4 eror. Picher pèrdèdó tabata J’Dah Girigorie. Rianthe Winklaar a bati 1 hit den 1 turno.

E di dos wega ku a tuma lugá ayera, tambe Pichgingolo a gana di Soaux, e biaha’ki ku skor di 10 pa 6. Pichingolo tabatin 10 kareda riba tambe 10 hit i 0 eror. Atrobe picher Julise Koffy a gana, miéntras ku Stephany Passial a bati di 2-2. Souax a kaba ku 6 kareda riba 6 hit i no menos 7 eror. Tafari Janga tabata e picher pèrdèdó. Ashanty Alexandre a dal 2 hit den 3 turno (3-2)

Den e otro seri a hunga number 3 kontra number 4, esta The Fighting Team ku a kaba kampionato regular ku 9 wega ganá i 7 pèrdí, kontra Sta Rosa Angels Vanddis ku 6 viktoria i 10 derota.

The Fighting Team a gana tur dos wega. E promé enkuentro a sali 7 pa 5.Pa The Fighting Team 7 kareda, 6 hit i 2 eror. Picher Libis Hurtado Payares a gana, miéntras ku Thainais Martina a dal 1 hit den 1 turno (1-1). Sta Rosa Angels a kaba ku 5 kareda, 3 hit i 4 eror. Picher Suheydi Faneyt a sufri e derota i mihó bate tabata Jandely Ricardo ku a bai di 4-2.

E di dos wega tambe The Fighting team a gana, eleminando asina Sta Rosa Anges den e seri di ‘best of 3’. E skor tabata 6 pa 3. The Fighting Team tabatin 6 kareda, 7 hit i 3 eror. Picher Libis Hurtado Payares a gana e wega aki tambe, miéntras ku Sharon-rose De lanoi a bati 2 hit den 3 turno (3-2). Sta Rosa Angels a skor 3 kareda riba 5 hit i a kometé 3 eror. Picher Janiska Franklin a pèrdè i miho bate tabata Jandely Ricardo ku a bai di 4-3. E seri semi final ta kuminsá djasabra 30 oktober na Sabanda Ballpark pa 7or. Souax Gill’s Sport ta topa ku The Fighting Team. E ganadó dje seri aki ta pasa hunga final kontra di Pichingolo Nissa.

Translate »