Sport.cw

Sponsored by

Sponsored by

Sponsored by

Play-offs Creme de la Creme

Despues di otro wikènt ku diferente di wega den Minor i Little League, e tradishonaal torneo Creme de la Creme ta sigui e siman aki ku e serinan prefinal. Esakinan ta tuma lugá djarason, djaweps i djabièrnè de Post 6 Ballpark na Rio Canario.

Por sierto ku esaki ta e último siman di Creme de la Creme, ku ta dediká e aña aki na mènedjer Michelangelo ‘Loo’ Celestina. Ela partisipa 8 aña na World Series di Little League na Williamsport.

Ultimo aki Celestina a titulá kampion di Kòrsou i kampion di Karibe. Na Williamsport ela bira kampion Internashonal i finalmente supkampion di mundu. E ta e uniko mènedjer ku a gana selekshonnan di Sur Korea i Hapon den historia di World Series di Little League.

Celestina ta tambe coach kampion di World Series di Little League na 2004 i coach supkampion World Series di Little League na 2005.

E serinan prefinal ta ranka sali djarason awor ku dos wega den Minor League: pa 5or Traí Seru ta hunga kontra Sta Maria 1, miénras ku pa 7or tin e enkuentro entre Brievengat i Koraal Specht.

E serinan ta sigui djaweps kaminda 5or Marchena ta sali kontra di Sta Rosa den Minor League. Den Little League e wega di 70r ta entre Tra’i Seru 1 i St. Michiel.

Djabièrnè tin tres enkuentro den Little League: 4or Brievengat 1 vs Sta Rosa; 6or Sta Maria 1 vs Sta Maria 2 i 8or Marchena vs Van Engelen.

Translate »