Sport.cw

Sponsored by

Sponsored by

Sponsored by

Promé triunfo pa Kòrsou

E selekshon femenino di sòfbòl fast pitch di Kòrsou a gana awe su wega inaugural dje Eastern Caribbean Amateur Softball Confederation (ECASC) Championship. E triunfo aki tabata riba e tim di Aruba ku skor di 9 pa 1.

Kòrsou for di trempan a tuma un ventaha komodo di 5-0 riba Aruba i a defende esaki te final. Via di un homerun di Julise Koffie pa left field, Kòrsou a ampliá e ventaha.

Aruba den ultimo turnonan a logra hinka su úniko kareda. Esaki a skor riba un fayo den defensa di Kòrsou. E skor final tabata 9 pa 1. J’Dah Girigorie a pichá wega kompletu pa gana su promé wega.

E sigiente wega di Kòrsou ta mañan. Esaki ta kuminsá 10’or di mainta i ta kontra Jamaica. Porsierto ku e tim aki a pèrdè su promé wega ku skor grandi kontra di Brittish Virgin Islands: 5-20.

E torneo di sófból ECASC ta te ku 6 di mart aki na St. John, US Virgin Islands. Seis selekshon ta kompetí den esaki: Jamaica, U.S. Virgin Islands, Aruba, Kòrsou, St. Maarten i Brittish Virgin Islands.

E selekshon ku gana e kompetensia di ECASC ta klasifiká pa e weganan Sentro Amérikano i di Karibe 2023, mihó konosí komo CAC. Esaki ta tumá lugá e aña’ki mes na El Salvador.

E seleskhon di sòfbòl di Kòrsou ta konsistí dje sigieunte hungadónan: Thaima  Maximilliana, Joanna Benita, Shurvienska Wawoe, J’Dah Girigorie, Joanni Benita, Julise Koffy, Michenou Marselia, Deidra Da Costa Gomez, Anais Piar, Ashanty Alexandre, Sovienca Calmera, Suheydy Faneyt, Richelle van Gennip, Karin Tuk i Jandely Ricardo.

Lennerth Angela ta fungi komo mènedjer i e entrenadó prinsipal ta Evan Balentina, E otro entrenadónan ta Patrick Girigorie, Marvin Wijman i Emmerick Agata. Mas aleu a viaha komo terapista fisiko/masahista Dianne Winklaar, miéntras ku Shurendley de Lima ta hefe di delegashon.

Translate »