Sport.cw

Sponsored by

Sponsored by

Sponsored by

Remko Bicentini ta bèk

Federashon Futbòl Kòrsou (FFK) a anunsiá den wikènt aki ku Remko Bicentini ta bèk komo head coach dje selekshon nashonal di futbòl. E ta bin na lugá di entre otro Guus Hiddink i su tim, despues ku FFK a tèrminá e relashon di trabou ku esakinan.

Bicentini no ta un deskonosí den mundu di futbòl. Den pasado ela fungi komo head coach kaba di selekshon nashonal. Komo tal ela logra diferente título importante pa Kòrsou.

Direktiva di FFK a bin ta traha duru p’asina yega na un head coach nobo pa guia e selekshon nashonal ku tin algun kompromiso importante na kaminda. Despues di algun entrevista ku diferente kandidato ku hopi potensial e eskoho a kai riba Bicentini.

FFK pues ta anunsiá di forma ofisial ku Bicentini ta e kapitan nobo dje tim di selekshon nashonal. Direktiva ta yamele bon biní na kas bèk. Den transkurso di e dianan ku ta sigui FFK ta duna mas informashon tokante e selekshon i e kuerpo tékniko ku lo guia esaki durante e próksimo temporada.

Translate »