Sport.cw

Sponsored by

Sponsored by

Sponsored by

Shuatanari ainda invikto

E tim di Shuatanari a konservá nan status di invikto den divishon superior femenino di Federashon Vòlibòl Kòrsou (FeVoKo). Den kontinuashon dje kampionato lokal e tim a gana tambe di Xaverianen: 3-0. Esaki tabata e di 7 viktoria.

E kompetensia di vòlibòl a sigui djadumingu i djaluna den sala Errol Rooi di Sentro Deportivo Kòrsou (SDK). Tabatin wega den divishon superior i tambe den klase A.

Den femenino superior Shuatanari no tabatin masha problema ku Xaverianen. Ela gana ku relativo fasilidat: 3-0. E skornan tabata 25-8, 25-17 i 25-10, Awor e tim tin 7 triunfo sin derota.

Den e otro wega den femenino superior Watakeli a triunfá ku skor di 3-1 riba Hurricane. E viktoria aki a bini despues ku Watakeli a pèrdè dos wega siguí. E skornan tabata 25-15,  29-27, 23-25 i 25-16. Den e di 2 sèt Hurricane tabata dilanti 24-16 faltando 1 punto só pa gana e sèt, pero Watakeli a bringa duru pa bin djatras i gana ku skor di 29-27

Den divishon maskulino superior di FeVoKo Stakamahakchi a gana di Wishi Tigers den 3 set. E skornan: 25-16, 25-16 i 25-17. Warwaru na su turno a triunfá tambe ku 3-0 riba Xaverianan: 25-13, 25-19 i 27-25

Den klase A maskulino Titus a derotá Xaverianen den 2 sèt ku parsialnan di 25-13 i 25-22. Watakeli a gana di Montezuma ku skor di 2-1 :25-20, 22-25 i 15-10.

Den klase A femenina Watakeli a logra un otro viktoria riba Hurricane: 2-0. E parsialnan tabata 25-21 i 25-19. Finalmente Shuatanari a gana di Stakamakchi  tambe den 2 sèt: 25-22 i 25-15.

Translate »