Sport.cw

Sponsored by

Sponsored by

Sponsored by

Vòlibòl ta sigui otro aña

E kampionato di vòlibòl di Kòrsou ta sigui otro aña yanüari 2019. Den komienso dje kompetensia, esta promé ku e pousa, Watakeli maskulino i Stakamahakchi femenino ta komandá den klase superior.

Federashon Vòlibòl di Kòrsou (Fevoko) ta dediká e kampionato e aña aki na Dito Ravemstein. E kompetensia ta tuma lugá den sala Errol Rooi di Sentro deportovo Kòrsou (SDK) na Brievengat. E último fecha di wega pa e aña’ki tabata djadumingu tras di lomba.

Tabatin un wega só den divishon máksimo djadumingu. Esaki tabata den klase femenino i a bai entre Stakamahankchi i Hurricane, kaminda ku Staka a kontinuá su racha di viktoria i asina kuminsá fakansi di fin di aña invikto.

Despues ku Stakamahakchi a gana e promé sèt 25-20, Hurricane a empatá e wega 1-1 ganando e di dos sèt ku skor di 25-22. Staka despues no a pèrmiti nada mas i ku 25-12 i 25-17 a logra otro triunfo i asina keda invikto.

Den  klase A femenino Watakeli a lucha fuerte kontra Hurricane den un wega ku a bai tres sèt. Tabata Hurricane ku a gana e enkuentro ku skor di 2-1. E parsialnan tabata 25-23, 25-27 i 16-14. Pues tur e sètnan a kaba ku e diferensia minimo.

Den divishon A maskulino Watakeli a superá Titus 2-0. E parsialnan tabata  25-17 i 25-23. Warwarú a sigui invikto ora ku ela gana Green Tigers 2-0: 25-14 i 25-8. Den e di tres wega den e klase aki Xaverianen a pèrdè 2-0 kontra di Stakamahakchi: 17-25 i 13-25.

Translate »