E torneo Creme de la Creme a sigui awe djadumingu ku vários wega na Suvek Ballpark na Van Engelen. Tra’i Seru, Sta Maria 1 i Brievengat ainda ta invikto den Little League. Den Minor League Marchena, Sta Maria 1 a gana te ainda tur wega ku nan a hunga.
Den wikènt, esta ayera djasabra i awe djadumingu, tabatin vários wega korespondiente na e torneo Creme de la Creme riba e fèltnan di Suvek Ballpark. Esakinan ta den Minor i Little League.
Awe tabatin e sigieunte resultadonan den Minor League: St. Michiel vs Tra’i Seru a keda empatá na 9 kareda, Sta Maria 2 vs Montaña Ariba 3-5 i Brievengat vs Sta Rosa 13-2.
Den Little League e sigiuente resultadonan ta lo sigiuente: Marchena vs Tra’i Seru 2-3, Brievengat vs Jandoret 11-1, Montaña Abou vs Van Engelen 0-10, Montaña Ariba vs St Michiel 13-14, Sta Maria 2 vs Koraal Specht 10-8 i Sta Rosa vs Sta Maria 1 0-10.
Den Minor League e tim di Marchena tin dos viktoria sin derota den pul A, miéntras ku Sta Maria 1 tin mesun rèkòrt den pul C. Den pul B Tra’i Seru tin un viktoria i un empate.
Den Little League Tra’i Seru ta na kabes den pul A, Sta Maria den pul B i Brievengat den pul C. Tur e timnan aki a gana tres wega i no a sufri niun derota ainda. fffffffffff
