Sport.cw

Sponsored by

Sponsored by

Sponsored by

Suffisant Eagles a bolbe gana

Dream Team ta lomba kontra di muraya despues di a pèrdè ayera djasabra e di dos wega den final di sòfbòl maskulino fast pitch. E tim di Suffisant Eagles a gana ku skor di 5-2 i awor mester di viktoria mas pa titulá kampion.

E di dos wega dje final organisá pa Curaçaose Softball Bond (CSB) tambe a tuma lugá den Buena Vista Ballpark. Meskos ku e promé wega, Sport.cw a transmití esaki tambe via di live streaming ku narashon i komentario di Reynaldo Cashimiri i Xiomara de Windt-Rasmijn.

Suffisant Eagles ayera tambe tabatin bon bateo. Sí den e promé wega e batiadónan a dat sinku homerun, ayera nan a bati tres bataso pafó di fèlt.

Tantu Suffisant Eagles komo Dream Team a kuminsá e di dos wega dje final anotando dos kareda den nan promé turno na bate. Den di dos inen Suffisant a skor dos kareda mas pa asina pika dilanti 4-2. E tim a defendé e ventaha aki te final i asta a ampliá e skor ku 1 kareda mas den di seis inen pa gana 5-2.

Picher Julius Veeris a sobresalí pa Suffisant Eagles. De shete inen di trabou ela pèrmití 2 kareda riba solamente 3 hit. Tur e dos karedanan pa kolmo tabata shushi. Ela ponchá sinku batiadó i a sali Player of the Game.

E picher pèrdèdó a resultá Fransel Meyers. Den shete inen ela pèrmití 5 kareda riba 4 hit. Ela ponchá seis batiadó.

Yurrendel de Caster i Alexander Rodriguez tabata e mihó batiadónan pa Suffisant. Tur dos a bati 1 hit den dos turno na bate. E hitnan aki tabata homerun. Aldair Daal tambe a bati un homerun. Ela tèrminá ku 1 hit den tres turno na bate.

E seri final ta sigui mañan djaluna 26 di oktober den Buena Vista Ballpark. Sport.cw tambe lo tei pa trese bo delaster un akshon riba tereno te den bo kas.

Translate »