Sport.cw

Sponsored by

Sponsored by

Sponsored by

CurFutsal ku dos derota

E selekshon di Curaçao Futsal Federation (CurFutsal) tin dos derota na Mexico City, kaminda e ta kompetí den kampionato di kwalifikashon di AMF. E tim a pèrdè den su promé wega kontra di Canada (6-1) i despues kontra di Mexico (8-3).

CurFutsal ta miembro dje organisashon mundial di futsal AMF. Esaki ta organisando e kampionato di kwalifikashon pa Norte i Central Amerika i Karibe. E evento aki ta tumando lugá na Mexico City.

E selekshon di Kòrsou ta konsistí dje sigiuente hungadónan: Gino Costina, Ashar Bernardus, Shurwendel Roosje, Everon Espacia i Jean Pauletta di FC San Lucas, Stallone Isenia i Kevin Lodovica di Ocean View, Djurson Pieters (FC-IGA), Maikel Pinedo (Babranis) Sharrion Pietersz i Jonathan Libiana di Excellent. Demas miembronan dje delegashon ta Darryl Simon, Jubinald Martis, Rafael Landsmark i Legaenne Ranis.

Fuera di Kòrsou, tambe ta kompetí na Mexico City Merka, Canada i e pasi anfitrión Mexico. Den disputa tin un pasashi pa Norte i Central Amerika i 1 pa Karibe ku ta duna derecho pa kompetí den AMF Futsal World Cup otro aña, esta di 31 maart pa 7 di aprel. Esaki lo tuma lugá na Argentina.

Kòrsou na Mexico City sinembargo a kuminsá riba mal pia. E promé wega e selekshon lokal a pèrdè ku skor di 6-1 di Canada. E di dos wega Mexico a gana ku skor di 8-3 di e tim lokal. Mas aleu Mexico a gana Merka 6-2 i Canada tambe a gana Merka 3-2.

Translate »