Fundashon Desaroyo Deportivo Kòrsou (FDDK) por mira’tras riba otro éksitoso plan di fakansi deportivo. Mas ku 700 hóben a partisipá na e evento anual aki den fakansi di skol. E aña aki e aktividat yen di deporte a tuma lugá den tres bario: Brievengat, Fuik i Barber.
Tur aña di nobo FDDK ta organisá su famoso plan di fakansi ku praktika den diferente ramo di deporte. Kontrali na otro añanan ku esaki tabata konsentrá den Sentro Deportivo Kòrsou (SDK) na Brievengat, e biaha’ki tambe tabatin praktika di deporte den barionan di Fuik i Barber.
E plan di fakansi deportivo ta destiná pa hóbennan te ku 17 aña. Esaki ta bou di guia di personal di FDDK i tambe vários boluntario. Durante mas ku un siman e hóbennan a pasa nan tempu serando konosí i praktikando diferente ramo di deporte i tambe weganan.
