Sport.cw

Sponsored by

Sponsored by

Sponsored by

Fighting Team a gana pèrtá

The Fighting Team ayera a bin dja’tras i pa eleminá Fenix Softex. Pèrdiendo 2-0 i tim a skor 4 kareda den su último turno na bate pa asina bòltu e skor 4-2 i finalmente gana 4-3. E ta warda awor riba e pèrdèdó dje seri entre Souax Gill i Pichingolo KIA/Nissan.

Curaçaose Softball Bond (CSB) a kontinuá ayera ku e play-off den sòfbòl AA femenino. The Finghting Team i Fenix Softex a hunga kontra otro den Sabana Ballpark.

E timnan a wanta otro e promé dos inennan riba 0 kareda. Pichernan Leonella Elizabeth pa Finex i Ruth-shainny Calmera di Fighting Team tabatin bon dominio dje batiadónan.

Fenix Softex den di tres inen sinembargo a skor 2 kareda pa bai ariba. Tur kos tabata mustra ku e tim ta bai gana e wega pa sigui pa e sigiuente seri, ora ku ela yega di shete entrada dilanti 2-0.

Fenix Softex ku strea Leonella Elizabeth sinembargo a kai den otro den e di shete inen i esaki a habri kaminda pa The Fighting Team krusa platu 4 bia i bai ariba pa promé bia den e wega: 4-2. Fenix a purba bin bèk i a skor 1 punto, pero esaki no tabata sufisiente: 4-3

Picher Ruth-shainny Calmera a gana e wega. Ela picha 6 inen i un tèrsio i a pèrmití 3 kareda riba 3 hit. Ela ponchá 5 batiadó. Ela haña relevo den di shete inen di Lee-Ann Craanberg ku a saka e último dos outnan pa seya e viktoria pa The Fighting Team. Esaki a nifiká tambe eliminashon di Fenix Softex.

E picher pèrdèdó tabata Leonella Elizabeth ku a haña 4 kareda kontra riba 7 hit, miéntras ku ela ponchá 8 batiadó.

E play-off ta sigui awe nochi ku e di tres wega entre Souax i Pichingolo. E ganadó dje enkuentro aki ta pasa dirèkt pa final, miéntras e pèrdèdó ta bai hunga kontra di The Fighting Team pa e otro puesto den final.

Translate »