E torneo di futbòl pa Kopa Kòrsou ta sigui ku dos wega den e pul femenino, despues ku djadumingu 18 di mei e kompetensia aki entre kuater tim a kuminsá. Awor e torneo di futbòl femenino ta kontinuá awe djaweps 22 di mei den Stadion Rignaal Jean Francisca na Brievengat.
Riba e promé fecha dje kompetensia femenino pa Kopa Kòrsou Hubentut Fortuna a gana ku skor di 5 pa 1 di Undeba. Den e otro wega Excellence a superá Inter Willemstad ku skor di 2 a 1.
Hubentut Fortuna i Excellence ta na kabes dje pul femenino, kada un tim ku 3 punto. E kuater timnan ta hunga 2 buelta segun e sistema di round robin, pues nan ta hunga dos biaha kontra di otro den e bueltanan preliminar aki.
E kompetensia ta sigui awenochi ku pa 7or e wega entre Excellence i Undeba, miéntras ku Hubentut Fortuna i Inter Willemstad ta hunga 9or kontra di otro. Tur e weganan den e bueltanan preleminar ta gratis.