CurFutsal ta ranka sali mañan ku su serie prefinal ku yama Kaya 4, despues ku e kampionato regular a konkluí. FC San Lucas, Securitas, FC Don Bosco i Sta Rosa Stars ta e timnan ku a klasifiká i ta bai hunga awor kontra di otro.
FC San Lucas a tèrminá na promé puesto den e bueltanan preleminar ku 16 punto. E tim a gana 8 wega i a sufri 1 derota. Securitas a okupá e di dos lugá ku 13 punto. Esaki ta produkto di 6 triunfo, 1 empate i 2 wega pèrdí.
FC Don Bosco i Sta Rosa Stars e terminá empatá na di tres puesto ku 11 punto. Tur dos tim a gana 5 wega, tabla 1 i sufri 3 derota. E tim di FC Don Bosco sinembargo a kaba ku mihó saldo di gol i ofisialmente pues ta haña puesto number tres.
Pues Kaya 4 ta ranka sali mañan djaweps 12 di novèmber pa 8or di anochi ku e wega entre number 2 Securitas i number 3 FC Don Bosco. Pa 9or ta sigui e wega entre number 1 San Lucas kontra number 4 Sta Rosa Stars. Tur esakinan ta tuma lugá den Sala Niels Liberia di Stadion Odulio Willems na Suffisant.
