Den wikènt tras di lomba tabatin klousura dje torneo di sòfbòl Hope ku e weganan di semi final i final den e diferente kategorianan. Un públiko grandi a haña kaminda pa Van Engelen Sportpark, ku antes tabata konosí como Suvek.
Fundashon Desaroyo Deportivo Kòrsou (FDDK) e aña’ki a organisá e torneo di sòfbòl Hope. Ta trata dje di 18 edishon dje kompetensia akí.
Despues dje apertura riba dia 15 di mart, a sigui den tur wikènt weganan den e diferente kategorianan. E kompetensia ta pa kompanianan privá i tambe servisionan di gobièrnu i a konta atrobe ku un partisipashon grandi di tim.
E kombinashon SDKK/GGZ a gana e titulo den kategoria 40+. E tim di Aqualectra/MCB a sali supkampion.
Den e kategoria Sosial Habrí e kompania Fridays a sali kampeon. E ekipo di Living Legends a tèrminá na di dos puesto.
Citco-Orco Bank/SSC a titulá kampeon den e kategoria COED. E kombinashon di tim SBAB/MCB a tèrminá komo subkampion.
Den e kategoria Sosial Maskulino e e timnan a sòru pa un wega final emoshonante. E kombinashon di Aqualectra/Belastingdienst a gana e titulo kampionil, lagando e kombinashon Brandweer/CAP/Soab na di dos puesto.
Finalmente e tim formá pa CMC i ADC tambe a titulá kampioen. Ela gana den final dje kombinashon SBAB/Citco den e kategoria Sosial Femenino.
FOTONAN JACINTO DE JESUS
