Colombia ta bai representá e región di Karibe den World Series di Pony League 2025. E tin akí a superá e selekshon di Kòrsou ku skor pèrtá di 4 pa 3 den e final dje kompetensia di beisbòl hubenil.
E tim di Kòrsou konsistiendo di hungadónan di 14 aña i menos (U14) a hunga bon na Colombia, kaminda e kompetensia di Karibe a tuma luga. E tim akí a yega final dje kampionato di Pony League invikto.
Kòrsou pues a gana dje país anfitrión den e buelta preliminar den grupo B. Den semi-final e selekshon di Kòrsou a eliminá Repúblika Dominikana, mientras ku den e otro seri Colombia a gana di Puerto Rico.
E resultadonan ei a nifiká ku Kòrsou i Colombia tabatin ku hunga atrobe kontra di otro. E biaha’ki Colombia a tuma revancha pa su úniko derota ku ela sufri den e buelta preliminar kontra Kòrsou.
Colombia ku e viktoria den final a titulá kampion di Karibe i asina a gana tambe e derechi pa bai Merka. E pais ta kompetí den World Series di Pony League na Washington, Pennsylvania. E kompetensia akí ta tuma luga di 8 pa 13 di augustus.