Liga Pabou den representashon di Kòrsou i Karibe a klasifiká invikto pa Senior League World Series 2023. Esaki ta despues di a bira kampion internashonal derotando Mexico ku skor di 12 pa 3. Kòrsou ta hunga awe’tardi, djasabra 5 di ougùstus, kontra dje tim di East formá pa Cherry Hill, New Jersey.
Kòrsou ayera tambe a hunga tremendo wega, kaminda e tim atrobe a demonstrá tremendo bateo. E hóben outfielder Winklaar asta a bati dos homerun den e wega.
Por sierto ku Kòrsou den su tres weganan den su ruta pa klasifiká pa Senior League World Seroes na Easly (Merka), a skor 10 òf mas kareda. E tim a gana di Hulanda ku skor di 16 pa 13, di Australia 10 pa 0 i ayera pues Mexico ku 12 pa 3.
Promé ku e partisipashon na Easly tambe Liga Pabou den representashon di Kòrsou a titulá kampion invikto dje kampionato di Karibe. E tim pues tin ratu sin pèrdè den weganan internashonal i ayera pues a titulá kampion dje pul internashonal.
E wega desisivo dje Senior League World Series 2023 entre Kòrsou i East ta kuminsá akí ratu 4or.