E torneo di beisbòl Creme de la Creme ta sigui e wikènt aki ku weganan di klasifikashon i play-off. Mañan djabièrnè tin un wega den Minor League, miéntras ku e torneo ta sigui riba djasabra i djadumingu na Suvek Ballpark.
E wega di djabièrnè den Minor League ta entre Sta Maria 1 i Van Engelen. Sta Maria a tèrminá na promé lugá den pul C, miéntras ku Van Engelen a okupá di dos puesto den pul B. E wega aki ta kuminsá sink’or di atardi.
Djasabra tin sinku wega programá: dos den Minor League i tres den Little League.
Den Minor League ta hunga pa nueb’or e wega entre Marchena i Brievengat. Marchena a tèrminá na promé lugá den pul A i Brievengat na di dos puesto den pul C. Kuartu pasá di 11 tin e wega entre Tra’i Seru i Montaña Ariba. Tra’i Seru a kaba na promé lugá den pul B i Montaña na di dos puesto den pul A.
Den Little League Tra’i Seru ta hunga kuminsando fo’i nueb’or kontra di Sta Maria 2. Tra’i Seru a tèrminá na di promé puesto den pul A i Sta Maria 2 tabata di dos den pul C. Kuartu pasá di 11 tin e wega entre Sta Maria 1 kontra Marchena. Sta Maria 1 a kaba na promé lugá den pul B, miéntras ku Marchena a keda na di dos lugá den pul A. E ultimo wega djasabra ta kuminsá mitar di 2 di tra’i mèrdia i ta bai entre Brievangat i Van Engelen. Brievengat a tèrminá na promé lugá den pul C i Van Engelen a kaba na di dos puesto den pul B.
