Sport.cw

Sponsored by

Sponsored by

Sponsored by

Otro blankeo pa Kòrsou

Kòrsou a gana awe, djabièrnè 3 di mart, su di tres wega den e kampionato di Eastern Caribbean Amateur Softball Confederation (ECASC) 2023. E triunfo aki tambe tabata un blankeo, e biaha’ki ku skor di 9 pa 0 riba US Virgin Islands. Picher J’Dah Girigorie a tira 12 ponche I pèrmití solamente 2 hit.

Meskos ku den e wega inaugural kontra di Aruba (9 pa 1) i e di dos kontra Jamaica (11-0), Kòrsou atrobe for di trempan a tuma ventaha komodo kontra di US Virgin Islands.

E triunfo di 9-0 riba US Virgin Islands ta nifiká e di dos blankeo konsekutivo pa Kòrsou, ku te ainda a haña 1 kareda só kontra den tres wega. Girigorie despues di a pèrmití 2 hit den promé inen, a pèrta brasa i tira 12 ponche.

Esaki ta Girigorie su di dos triunfo den e kampionato ku ta tumando lugá na St. John, US Virgin Islands. Na bate a sobresalí awe Julise Koffy ku tabatin un anochi perfekto ku 2 hit den 2 turno, miéntras ku Thaima Maximiliana tambe a dal 2 hit pero den 3 turno. Sovienca Calmera tambe tabatin bon aktuashon ku 1 homerun den 2 turno.

Kòrsou su 9 karedanan tabata riba 8 hit. Fuera di Koffy, Maximiliana I Calmera tambe a dal 1 hit Anaïs Piar, Deidra da Costa Gomez i Jandeli Ricardo. Den tres wega dje kampiionato na St. John, Kòrsou a skor 29 kareda.

E selekshon di Kòrsou ku ta patrosiná pa MCB i FDOK tin dos wega mañan djasabra 4 di mart. E promé ta kuminsá 11’or di mainta i ta konta Brittish Virgin Islands i e di dos kompromiso ta 2’or di tra’i mèrdia kontra di St. Maarten.

Translate »